Nazirlər Kabinetinin 308 nömrəli Qərarına dair İZAH

Qərar Şəhərsalma və Tikinti Məcəlləsinə yeni məzmunda əlavə edilmiş 75.3-1-ci,  81.1-1 və 102.1-2-ci maddələr əsasən hazırlanmışdır.

Müvafiq dəyişikliklərə əsasən, həmin Məcəllənin 75.3-cü, 81.1-ci və 102.1-ci maddələrində nəzərdə tutulmuş sənədlərin (tikintiyə icazə almaq üçün, açıq məkanda reklam yerləşdirilməsi üçün nəzərdə tutulmuş sahəsi 60 kvadratmetr və ya bundan çox təşkil edən reklam qurğularının tikintisinə, quraşdırılmasına, onlara konstruktiv dəyişikliklərin edilməsinə icazə almaq üçün və tikintisinə icazə tələb edilən tikinti obyektinin istismarına icazə üçün) Elektron Hökumət İnformasiya Sistemi vasitəsilə müvafiq dövlət orqanından (qurumundan) əldə edilməsi mümkün olduqda, həmin sənədlər ərizəçidən tələb edilmir.

Belə sənədlərin Elektron Hökumət İnformasiya Sistemi vasitəsilə əldə edilməsi mümkün olmadığı hallarda onların təqdim edilməsi ərizəçinin razılığı ilə sorğu əsasında müvafiq dövlət orqanından (qurumundan) tələb olunur və ya ərizəçi tərəfindən təmin edilir.

Yuxarıda göstərilənlərə əsasən, müvafiq qərarın Şəhərsalma və Tikinti Məcəlləsinə uyğunlaşdırılması təmin edilmişdir.